Gibutyag karong gabii ni Dr. Jose Llacuna Jr. DOH 13 Regional Director nga 393 na ang total nga ihap sa nagka COVID-19 sa atong rehiyon. Ang recoveries miabot na sa 304 hinungdan nga 86 na lang ang admitted sa lain laing mga hospitals. Apan tulo na ang namatay sa atong rehiyon.
Sa 16 ka bag-ong positive, 12 ang taga Butuan City. Unom kanila mga close contacts o natakdan sa mga nagpositive, lima ang local transmission samtang usa ka healthcare worker nga nakabiyahe sa Davao City.
3 ka mga LSI nagpositive taga Buenavista, Agusan del Norte, usa taga San Francisco, Agusan del Sur, usa taga Socorro, Surigao del Norte ug usa taga Kitcharao nga naadmit sa isa sa mga hospital sa Butuan City.
(DOH XIII | RPN DXKS Surigao)