Base sa gipagawas nga official laboratory result gikan sa Bureau of Animal Industry o (BAI), kompirmado nga adunay nadugang nga usa ka baboy ang nag-positibo sa African Swine Fever gikan sa usa ka lechon dealer dinhi sa siyudad.
Sa incident report adunay 55 ka blood samples nga gikuha sa mga baboy ang gipadala ngadto sa Bureau of Animal Industry-Animal Disease Diagnostic and Reference Laboratory (ADDRL) kaniadtong Disyembre 13 ning tuiga, isip pagbantay ug pag monitor sa mga baboy sulod sa 500-meter radius nga nagpositibo sa ASF.
Ang maong resulta migawas kaniadtong Disyembre 17, 2022 nga adunay usa ka baboy ang nagpositibo sa ASF didto sa Barangay Sta. Isabel,ning siyudad. Sa kinatibuk-an aduna nay 5 ka kaso sa ASF dinhi sa siyudad.
Nasayran nga kini “isolated case” lamang, base sa mga samples nga gikuha gikan sa usa ka letchon dealer nga nahimutang kilid usab sa laing letchon dealer nga nagpostibo una sa ASF, nga kapin kon kulang 50 meters ang distansya sa matag usa kanila.
Sa pagka karon aduna pay laing 74 ka blood samples gikan sa mga baboy sa maong dapit ang gipadala na usab ngadto sa Bureau of Animal Industry alang sa confirmatory test og kini nanghinaot nga wala nay mag-positibo sa ASF. Gilaoman nga mogawas ang maong resulta karong semanaha homan kini gipadala sa laboratory.
(Source: Dipolog City Government Facebook page)