DAVAO CITY: DILI pa makapahigayon og contact tracing ang Department of Health-XI sa mga taong nakahimamat sa magsoong OFW’s nga unang niikyas sa pagka-quarantine sa Sarangani ug nibyahe padulong dinhi sa Davao City.
Sumala kang Dr. Anabelle Yumang ang Regional Directorsa DOH-XI ginahulat pa sa ilang buhatan ang resulta sa specimen sa magsoon nga gipailawum sa laboratory test sa Research Institute for Tropical Medicine.
Giklaro usab ni Yumang nga mild symptoms lamang ang nasinati karon sa magsoon nag-edad og 30 anyos ug 27 anyos diin ang 27 anyos lamang ang dunay mild nga simtomas sama sa sakit sa tutunlan og sa higayong mogawas na resulta ayha pa magpahigayon og contact tracing.
Nasayrang karong adlawa unta ang ika-katorse ka adlaw sa pagpailawum sa quarantine sa magsoon kung asa ang usa ka kanila ang gikatakdang papaulion na samtang ang usa ipabilin una human nagdevelop na ang sintomas apan mild lang.
Nagdumili usab si Yumang sa pagdetalye sa pagka-intercept sa managsuon apan gisiguro niini nga anaa ra sila sa maayong kondisyon og walay angay ikabalaka ang katawhan sa Davao City.
Kahibaluang ang magsoon ang natultulan kaganihang kadlawon sa hotel nga ilang gidayunan sa downtown area sa tabang sa health authorities sa Sarangani ug otoridad sa syudad.