Buot ni Mayor Edgardo Labella sa dakbayan sa Sugbo nga magpatuman lang og granular lockdown inay ipaubos og balik ang siyudad sa GCQ o General Community Quarantine taliwa sa nagsaka nga mga kaso sa COVID-19.
Suma pa ni Labella, dili pa angayng ibalik sa GCQ ang dakbayan bisag miabot na og 968 ang aktibong mga kaso hangtod sa milabayng adlaw.
Matod sa mayor, dili siya pabor nga ipaubos sa GCQ ang siyudad bisan pag napilo na og kaupat ang gidaghanon sa mga pasyente gikan sa miaging buwan.
Alang ni Labella, kontrolado pa sa kagamhanang local ang sitwasyon ubos sa MGCQ o Modified General Community Quarantine.
Napugngan sa city government ang pipila ka kalihokan ubos sa MGCQ sama sa cockfighting, mass gathering nga lapas sa 50 porsyento sa kapasidad sa venue ug paggawas sa balay nga dala ang quarantine pass.
Sa nasayran, ang Cebu City ang lokalidad sa nasod nga labing daghan og nasakit sa Covid 19.
Pero inay mobalik sa GCQ, gipili ni Labella ang pagpadayon sa granular lockdown nga naandan na sa kabalayan ug sityo nga daghan og gi-covid.l via Jhon Tadlip/JTY
Source/Photo : Cebu City PIO
