Cebu City – Giangkon sa membro sa Board sa Lalawigan sa Sugbo nga wala na silay mahimo labot sa protocol sa mangabot nga mga pasahero gikan sa abroad, human ang Inter-Agency Task Force (IATF) miluwat ug kamanduan sa mga ahensya sa governor lakip na ang Armed Forces of the Philippines (AFP) ug Philippine National Police (PNP), pagsiguro nga ang testing ug quarantine protocols masunod sa tanang pwerto sa tibook nasud.
Giluwatan ni Board Member Atty Jhon Ismael Borgonia ang maong pamahayag niadtong Sabado, Hunyo 19, 2021, human sa pagluwat sa IATF sa maong direktiba pagka Biyernes.
“Wala na tay mahimo kay gigamitan nakan tag pwersa sa militar ug pulis. Gibraso na diri sa Cebu, so mapugos ug sunod ang mga manguli nga OFW ug balikbayan sa patakaran sa IATF,” matod ni Borgonia.
Niadtong Martes, Hunyo 15, nagkasabot ang mga lokal nga opisyal nga mobarug sa palisiya sa lalawigan sa, “Swab-Upon-Arrival” usa ka adlaw human mi anunsyo ang Malacañang sa mando ni Presidente Rodrigo Duterte nga kinahanglang sundon sa probinsya ang IATF protocols.
Atol sa hearing sa House of Representatives Committee on Overseas workers Affairs, Huwebes, Hunyo 17, si Usec, Alethe de Guzman, Director of Epidemiology Bureau sa Department of Health(DOH) kinsa mi representa ni Health Secretary Duque III, mipahibaw nga mi tando ang naulahi sa pag bisita sa Central Visayas, partikular na sa Sugbo, aron personal niini nga masuta ang best practices sa Sugbo.
Nagtoo si Borgonia nga makig-istorya ug mo presenta pa ang eksperto sa IATF inag Hunyo 28, aron ilang ma konbinser sa ilang gi-basihan, pero matod niini nga naka hukom naman diay sila(IATF), ug dili ra gihapon pod sila maminaw sa mga local officials.
Alang sa maong sakop sa hunta probinsyal nga igo ra silang pa yukbo-un nila nga taga national ug sila ray sakto. (Jhon Tadlip/JTY)
(News & photo courtesy of Cebu Provincial Governor)