Naawat ti gobierno probinsial ti sabali pay a bansada ti tulong nga inpaay ti Chinese Consulate para iti Ilocos Norte.
Mainaig iti daytoy, napalaus ti panagyaman ni Gob. Matthew Marcos Manotoc iti agtultuloy a suporta nga ipapaay ti konsulada ti China para iti probinsia.
Maibilang kadagiti kaudian a tulong a naawat ti probinsia ti uppat nga Oxygen concentrator, lima gasut limapulo a pedaso ti Personal Protective Equipment wenno PPE, lima gasut nga N95 mask ken uppat a gasut limapulo nga isolation gown.
Maipalagip a namin-adun a daras a nangipaay ti konsulada ti China ti tulong a para iti probinsia nangnangruna kadagiti frontliners.
Imbatad ti gobernador a nakadakdakkel dagitoy a tulong a maaw-awat ti probinsia manipud iti China.
Mangnamnama ni Gob. ManotoC a saana mauma ti China a mangipapaay ti tulong kadagiti kakailian nangnangruna kadagiti frontliners a mangkitkita iti salun-at.
Source: PGIN
