Davao City – Kinse ka mga establisemento dinhi sa dakbayan sa dabaw gi-lockdown sulod sa katorse ka adlaw tungod kay dunay mga empleyado nga nagpositibo sa Covid-19.
Gipamahayag ni Dr. Michelle Schlosser, tigpamaba sa Davao City COVID-19 Task Force nga lakip dinhi ang Davao City COVID-19 operation center human nagpositibo sa COVID-19 ang usa ka empleyado.
Gipatuman ang pagpasirado sa nasangpit nga mga establisemento alang sa pagpahigayon ug disinfection, contact tracing ug swabbing sa mga empleyado. Gihimo na usab sa Davao CIty Health ang risk assement.
Dugang ni Dr. Schlosser, nga gawas sa clustering of cases, lakip sa gibasihan sa pag-lockdown mao ang wala pagtuman sa minimum public health standards sa nasangpit nga mga establisemento.
(Source: Davao City Covid-19 Task Force)
