Wala ka ipsot ang mga sakop sa Cebu Police Provincial Office (CPPO) sa usa ka kinalit na drug test na gipahigayon kagahapong adlawa, Mayo 11, 2023.
Nikabat sa 222 ka mga pulis ang gipatawag aron mapaubos sa surprise drug testing.
Nagagikan kini sa Barili Police Station, Dumanjug Police Station, Ronda Police Station, Ug Alcantara Police Station.
Ang mga sakop sa Cebu Provincial Forensic Unit maoy nihimo sa maong drug test.
Gibutyag ni Police LTCOL. Mark Gifter Sucalit ang deputy provincial director sa CPPO nga kung mugawas na ang resulta sa naasoy nga drug test ug kung adunay magpositibo sa paggamit sa ginadiling drugas mataktak gyud serbisyo ang usa ka pulis.
Gi tataw usab ni Police Colonel Rommel Ochave ang hepe sa Cebu Provincial Office (CPPO) nga gusto niyang mapaubos sa drug test ang tanang police personnel sa probinsya sa Sugbo.
Ang maong surprise drug testing kabahin kini sa programa sa PNP na internal cleansing. (Renante Lada, photo courtesy of CPPO)
