Kasado na ang Kestebeng Festival ug ang Pagsaulog sa ika 53rd Maasim founding Anniversary sa Munisipyo sa Maasim sakop sa Probinsya sa Sarangani. Kini ang kumpirmasyon ni Maasim Mayor Zyrex Pacquiao atul sa pakighinabi sa Radyo Ronda RPN DXDX Gensan .Tumong sumala pa sa maong selebrasyon luyo sa pandemyang nasinatian mao ang paghinumdum sa iia 53 nga founding anniversary sa Munisipyo agig pag hinumdom sa tanang nag hago ug nagsakripisyo alang sa pag tukod sa munisipyo sa Maasim duyog sa kasaulogan sa Kestebeng Festival nga naandan sa matag tuig. Dugang pa niini nga ipahigayon ang maong kasaulogan duyog usab sa pagtuman sa tanang IATF protocols hinungdan nga dako ang kalahian niini kumpara sa mga naka labay nga festival diin bongga kaayo gumikan kay ginalikayan gihapon ang pagtapok-tapok isip paglikay sa pagkuyanap sa makamatay nga sakit nga Covid – 19.
Segun pa ni Mayor Zyrex Pacquiao. Adunay mobo nga Programa nga buhaton ang munisipyo ug gamay nga pakaon tapos sa iyang ipahigayon nga SOMA o State of the Municipal Address kung diin iyang ipahibalo ang tanang update ug mga project nga na implementar sa Munisipyo ilawom sa iyang pagdumala.
Sa katapusan bout lamang matud pa sa maong labaw nga matagamtaman sa tanang mga taga Maasim ang kabaghuan ug paglambo sa ilang dapit sa tabang usab sa tanang miyembro sa Municipal Council sa Maasim ilawom sa pag panguna ni Vice Mayor Tessie Nambatac, nagpaabot usab kini ug mensahe nga ikalipay gayud sa tanang taga Maasim ang mga proyekto nga padayong ginahatud sa pamilyang Pacquiao pinangunahan ni Congressman Ruel ug Bobby Pacquiao ingon man ni Senator Manny Pacquiao ug kinahanglan matud pang sundon sa tanan ang mga mandato nga gihatag sa atong gobyerno alang sa padayong paglambo ug kalinaw nga ila nang nakab-ot sa kasamtangan. (Joeven Senaro)