Cagayan de Oro City – Nagkataas ang kaso sa natakboyan sa Covid 19 sa syudad mao nga angayan nga magmatngon kitang tanan niining panahona aron malikay sa maong makamatay nga sakit.
Kini ang panawagan ni bise mayor Kikang Uy human nagpadayon ang pagsaka sa mga natakbuyan sa maong sakit dili lang dinhi sa syudad apan sa tibook kalibutan.
Matod sa bise mayor nga kun mahimo magpuyo sa balay ilabina kun walay importanteng lakaw ug maglikay nga magpundo sa daghang tao aron makalikay nga makahalobilo sa uban nga dili nato kahibaw-an nga positibo diay sa Covid.
Nunot niini, gihangyo sa bise mayor ang tanan nga seryosohon ang pagsunod sa mga health protocols nga gipatuman sa gobyerno kay alang man kini sa kaayuhan sa tanan nga magiyahan kita kun unsay angayan nga buhaton nga malikay kita ug atong pamilya sa maong sakit ug sa ingon atong mabuntog kini nga krisis. (Sangguninag Panlungsod)