Kagahapon palang adlawa wala nay mga sakop sa Cebu Police Provincial Office (CPPO) ang gitugutang nga maka leave sa ilang trabaho tungod sa Pasigarbo sa Sugbo.
Gisaka sa full alert status sugod kagahapon adlawa, Agusto 26, 2023, hangtod mahuman kini, ang probinsya sa Sugbo diin adunay kapin sa 2000 ka mga pulis ang gipang deploy didto sa dakbayan sa Carcar diin didto ipahigayon ang Pasigarbo sa Sugbo karong adlawa Agusto 27, 2023.
Mismo si Cebu Governor Gwendolyn Garcia kagahapon palang ni susi sa venue aron masiguro nga luwas ang tanang musalmot sa maong kalihukan.
Nakasinati usab og grabing kahuot sa trapiko sa South nga bahin sa probinsya sa Sugbo gumikan sa maong kalihukan.
Gisalmutan ang Pasigarbo sa Sugbo sa mga nagkadaiyang partisipanti nga naga gikan sa mga kalungsuran ug siyudad nga sakop sa probinsya sa Sugbo.
Si Police Colonel Noel Flores, OIC Provincial Director naghangyo karon sa publiko nga mokooperar kanila aron magpabilin ang kahapsay ug kalinaw sa maong pasundayag. (Renante Lada, photos courtesy of CPPO | Sugbo News)