Cebu City – Gitahasan na ang Cebu Police Provincial Office sa Police Regional Office 7, nga maoy mo imbestiga sa insidente sa Tinubdan Falls sa Lungsod sa Catmon, Cebu, diin tulo ang nakalas homan ma banwas sa kalit nga pag buswak sa tubig-baha.
Kasamtangan nga gipasarado sa CPPO alang sa mga mangaligoay sa nahisgutang falls nga mikutlo ug tulo ka mga kinabuhi atol sa pagpangaligo, pasado ala una sa Domingo, Septembre 26, 2021.
Matod ni Catmon Municipal Councilor Dan Jusay nga way permit gikan sa Local Government Unit pag operate ang nahisgutang tourist destination.
Samtang, na recover na ang tulo ka mga lawas sa mga biktima.
Sa tulo, kataposang napalgan ang lawas ni Jacel Alastra, nga nakit-an sa mga mananagat kadlawn sa Martes.
Gibana banang 13 ngadto sa 15 metros gikan sa baybayon gidagsa ang lawas ni Alastra sa Lungsod sa Carmen, Cebu.
Unang nakit-an ang lawas sa 17 anyos nga batan-ong lalake Domingo sa gabii ug pagka sunod adlaw napalgan ang lawas sa siete anyos nga batang babay.
Ang hitabo nakuhaan pa ug drone footage atol sa kalit nga pag buswak sa tubig-baha gikan sa bukid ug ang pag dinaganay sa mga nangaligo padung sa daplin.
(Source: Cebu Police Provincial Office, Catmon LGU, photo courtesy by Kreng Redera)