Nagplano ang Kapitolyo pag-umol og special body o grupo nga moseguro sa transparency ug accountability sa pagpangubkob o pagmina sa lalawigan.Ang nahisgotang pundok ang tahasan paghan-ay og polisiya, programa ug mekanismo nga magpiho sa transparency ug accountability sa mining industry.
Kini pagalangkoban sa mga representante sa mga kompaniya sa pagmina, kagamhanang probinsiyal, non-government organization ug sa tanang mayor.
Pagka karon, nag-ung-ong pa ang ordinansahon nga magmugna sa nahisgotang grupo nga tawgon og Cebu Provincial Multi-Stakeholder Council kun CPMSC sa committee on environment, conservation & natural resources sa hunta probinsiyal.
Ang gobernador mismo ang magsilbing tsirman sa CPMSC ug luyo-luyo ang Provincial Administrator.
Ang mga sakop sa naasoyng konseho maglakip sa duha ka representante salarge-scale mining companies, duha pod sasmall scale mining cooperatives, lima sa Kapitolyo, lima sa concerned NGOs ug tanang mayor sa kalungsoran ug siyudad.
Ubos sa ordinansahon nga gipangamahanan ni Bokal Jovito ‘Jonkie’ Ouano sa ikaunom nga distrito, ang CPMSC moseguro nga mabutyag ang tanang butang o proyekto nga may kalabotan sa pagmina – ginagmay man o dinagko.