Pagadian City – Patay ang kapitan sa Tiguma ning dakbayan human kini ang gipusil sa wah pa mailang suspetsado karong adlawa. Ang biktima mao si Hon. Ali Catong Gampong, 54 anyos, minyo usa ka Punong Barangay sa Tiguma Pagadian City ug residente sa Zone 2, Tiguma ning nasangpit nga syudad.
Base sa imbestigasyon sa kapulisan sa Pagadian City Police Station nga sakay ang biktima sa sakyanan nga Vios kolor gray, nagdala sa plaka numero KDV709 kauban ang higala niini nga si Allan Cabayaran padulong sa panimalay sa biktima nga naa mahimutang sa nasampit nga lugar gikan sa Barangay Hall. Dugang pa nga pag-abot sa lugar hitaboan atubangan mismo sa tindahan niini gitaparan ug gialihan kini sa usa ka Nissan Navara kolor itum walay plaka, ug dayung gipusil sa suspect nga nagsakay sa luyo sa pick-up ang kapitan.
Naka-angkon ug samad pinusilan ang biktima sa ulo niini ug laing duha ka i-go sa uban nga parte sa lawas diin dali nga gidala kini sa balay tambalanan, apan gideklara kining dead on arrival sa attending physician tungod sa “Hypovolemic shock secondary to multiple Gun Shot Wound. Dali usab misibat palayu ang mga suspetsado padulong sa imabaw nga bahin sa Barangay Bulatok ning syudad sa Pagadian.
Nakuha sa CCTV footage ang maong panghitabo ug mao karon ang gisusi pag ayo sa kapulisan aron masayran ang identity sa mga suspetsado hilabina nga walay plaka ang sakyanan nga gigamit niini.
(Sam Legaspi, DXKP Pagadian News Correspondent)
(Source: Pagadian Police Station, photo courtesy of CCTV footage | Asenso Pagadian)
