Gidagsa sa katawhan ang pagsaulog sa kapistahan sa lungsod sa Kinoguitan atol sa Music Festival niadtong Enero 24, ning tuiga.
Kini human sa unang higayon mi-perform ang Sweet Notes nga dugay nang gihandum sa ilang lungsod.
Atol sa kalihokan, dakong suporta ang gipakita ni Governor Juliette Uy pinaagi sa pagtambong agi’g pakigduyog sa selebrasyon.
Ang sweet notes duo gikan sa General Santos City nga naila tungod sa ilang nostalgic-feel nga cover sa mga Original Pinoy Music (OPM), classic songs ug uban pa.
Pipila sa ilang cover songs mao ang “Nothings gonna stop us”, “25 minutes to late”, “We’ve got tonight”, “Kahit ayaw mo na”, “Remember me”, “Kumusta ka aking mahal” ug uban pa.
Napuno sa kalingaw ang tanan ug naka-standing ovation tungod sa performance niini.
Matud sa Sweet Notes couple nga sila Mr. Jeffrey Bactong Jr. ug Charlotte Bactong, first time niini magperform sa probinsya sa Misamis Oriental ug mapasalamaton sa mainiton nga pag-abi-abi kanila sa mga lideres ug katawhan sa lalawigan.
Tinguha niini nga makabalik og perform sa Misor ug mag-explore sa mga tourist destinations sa probinsya sa umalabot.
Mapasalamaton usab kini kang Congresswoman Karen Lagbas, Governor Juliette Uy ug Kinoguitan Mayor Hon. Danilo “Junjun” Lagbas tungod sa pagsalig sa ilahang talento ug pag suporta sa mga local leaders sa ilang performance.
Usa lamang ang Kinoguitan sa mga lungsod sa probinsya nga gisuportahan sa gobernadora timaan sa iyang dakong tinguha nga mapaambit ang panaghiusa nga gilauman nga maangkon sa tibuok lalawigan.
Courtesy Mis. Or. PIO