Malampusong napahigayon kagahapon, Enero 28, 2026, ang One-stop Shop of Frontline Government Services subay sa giselebrar nga PNP Day Celebration nga nagbitbit og tema nga “Serbisyong Nararamdaman, Kapulisang Maaasahan” nga gisaulog didto sa Camp. Hamac, Sicayab, Dipolog City.
Ang maong kalihukan gipangulohan ni Police Coronel Reydante E Ariza, Acting Provincial Director, nga misaysay kagahapon nga dili lang limatado sa kapulisan ang maong selibrasyon kundi lakip usab ang mga sibilyan nga gustong motangkilik sa mga serbisyo og produkto sa kampo.
Kompleto ang presensya sa government services gikan sa PhilHealth, PAG-IBIG, PSA, PSSLAI, AFPSLAI ug uban pa.
Aduna poy Free Health Services diin libre kang makapa konsulta kabahin sa kahimtangan simong panglawas.
Og nagpanag-iya sab kag hayop, aduna pud silay libreng bakuna nga pwede nimong ma avail arun maturukan imong mga alaga og anti-rabies.
Dili pud magpalupig ang nagka lain-laing baligya nga naka display didto sama sa gulay, native products, og uban pang lamian nga lokal nga mga produkto.
Sa kinatibuk-an, hapsay, luwas, og puno sa kalipay nga napahigayon og naselebrar ang maong kalihukan og gilauman nga magpadayun pa ang inaning klase nga panagtipok og kasadya.
News and photo by: JENIFFER JR. DELICA