Lain na usab na kalampusan ang nahimo sa Cebu City Police Office diin duha ka mga suspetsado na tig payuhot og shabu ang nadakpan.
Nikabat sa P1.1 milyon ang balor sa shabu ang nasakmit sa duha ka mga suspetsado.
“Balhug sa prisuhan ang duha ka lalaking suspek nga sila alyas “SARKO”, 36 anyos ug si alyas “Jiji”, 33 anyos nga residente sa Brgy. Guadalupe ug Basak Pardo human nadakpan sa joint buy-bust operation sa City Intelligence ug Drug Enforcement Units pasado alas 12:40 sa sayong kabuntagon niadtong Enero 28, 2024 didto sa Andres Abellana St., sakop sa Brgy. Guadalupe ning syudad sa Sugbo. Ang maong operasyon gipanguluhan ni PMAJ JONATHAN BETHOOVEN N TANEO.”
“Gitumbok ni PMAJ TANEO si alyas “SARKO” nga usa ka High Value Individual samtang si alyas “Jiji” nga usa ka Street Level Individual diin makabaligya kini ug minimum of 50 gramos sa gitouhang illegal nga droga kada semana mentras si “Jiji” minimum of 10 gramos. Nakuha gikan sa mga suspek ang buy-bust money ug sling bag nga gisudlan sa maong illegal nga druga nga adunay Standard Drug Price (SDP) nga P1,122,000.00, 165 gramos ang timbang.”
“Nasikop ang mga suspek sa kalapasan sa Secs. 5 ug 11 Art. II sa R.A. 9165 Comprehensive Dangerous Drugs Act of 2002. Sa pagkakaron, ang mga suspetsado gitanggong ubos sa kustodiya sa Cebu City Police Office alang sa dokumentasyon ug pagpasaka ug kaso sa korte, samtang ang mga ebidensiya gisumite sa Cebu City Forensic Unit 7 alang sa eksaminasyon. Si Cebu City Police Office City Director PCOL IRENEO B DALOGDOG nipasalig sa publiko nga magpabiling hugot ang CCPO sa kampanya batok sa ilegal nga drugas”. (Renante Lada)
(Source: CCPO)