Nagmalampuson ang gihimo nga buybust operations sa mga sakop sa Cebu Drug Enforcement Unit sa Cebu City Police Office batok sa usa ka durugista. Sabado sa gabii, Pebrero 25, 2023, didto sa Barangay Bulacao, Siyudad sa Sugbo gipahigayon ang operasyon.
Ang dinakpan giila sa CCPO nga mao si Ramil Gabaca 29, anyos ang panuigon, ulitawo, usa ka habal-habal driver ug residenti rapud sa maong dapit. Mga binultong shabu ang nakuha sa iyang position nga adunay street value nga kapin sa P4 milyones.
Si PLT Col. Dindo Juanito Alaras maoy nangulo sa maong operasyon nga nisampot sa pagkasikop sa suspetsado. Gihulagway sa kapulisan si Gabaca nga nalakip sa Regional High Value Individual (HVI).
Sa pagkakaron giandam na ang tukmang kaso batok sa suspetsado ug sutaon pa usab kung si kinsa ang tig supply sa ginadiling drugas sa suspetsado. (Renante Lada, photo courtesy of CCPO)