30 C
Manila
Friday, April 19, 2024

Kapin Sa 20 Ka Sugarol Nadakpan Sa Tigbakay Sa Consolacion

- Advertisement -

Cebu City –  24 ka suspetsadong sugarol ang nasikop sa  illegal nga sabong sa manok o tigbakay sa Brgy. Nangka, Consolacion, Cebu kagahapon.

Ang pangu sa PIU o Provincial Intelligence Unit sa CPPO, Lt. Col. Randy Korret, miingon nga ang 24 nagtuo nga gitugot na sa gobyerno ang cockfighting.

Apan gipasabot ni Korret nga gitugot na ang sabong o tari sa manok sa mgabuwangan apan dili sa tigbakay.

Giinsister ni Korret nga base sa balaod, illegal gihapon ang pagpasiugda og“tigbakay”.

Gitug-an ni Korret nga nakadawat sila ug tawag nga nag pahibawo bahin sa tigbakay sa barangay Nangka hinungdang ila dayong giadto nianang alas dos pasado sa hapon ug wala maka ugpo ang  24 ka tawo.

Ang usa sa mga tigpasiugda  sa tigbakay giila sa ngan nga Kokoy nga nakalighot sa ronda.

Apan gitataw sa mga awtoridad nga iapil nila kinig keha karong adlawa.

Lakip sa mga ebidensiyang nasakmit ang duha ka manok-igsasabong ug pusta nga ₱ 2,000.

Pagkakaron, gitanggong pa ang 24 sa selda sa Consolacion Police Station. (Jhon Tadlip/JTY)

(Source & Photo: Cebu Police Provincial Office (CPPO))

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -