27.2 C
Manila
Friday, March 29, 2024

Kapin Sa 100 Ka Nagpatuong Persons With Comorbidities Sa Cebu City Nasakpan Sa Vaccination Sites

- Advertisement -




Cebu City – Gisalikway sa CHO o City Health Office sa dakbayan sa Sugbo sa vaccination sites ang kapin sa 100 ka tawo nga nasakpang namakak nga sila adunay laing sakit.

Hinuon, mahimo pa silang mabakunahan uban sa schedule sa A4 priority group o workers’ priority group.

Suma pa sa OIC sa CHO, Jeffrey Ibones, ang registration sa computer system dili makaila kon namakak ba ang aplikante o wala sa persons with comorbidities.

Tungod niini, kinahanglan kining ilhon sa sites diin kon dili makapresentar ang indibiduwal og medical certificate o prescription, di sila maisip nga ubos sa A3 priority group.

Pagkakaron, wala pa makasugod ang siyudad sa  inoculation sa mga tawong ubos sa A4 priority kay ang available vaccine nga gitagana sa national government kasagaran donasyon.

Ang mga donated doses sa bakuna alang lang sa A1 ngadto sa A3 priority groups.

Matod ni Ibones, kon naa na silay bakuna nga hinatag o pinalit sa dakbayan, magsugod dayon sila pagpanusok sa mga tawong ubos sa A4 priority.

Apan iyang gitataw nga mananghid o mo-coordinate gyod sila sa DOH sa maong lakang.
(Jhon Tadlip/JTY)

(News & photos courtesy of Cebu City Health Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -