Cagayan de Oro – MAPASALAMATON ang mga apektadong pamilya nga nasunogan karong adlawa, Disyembre 14 diha sa Purok 8, Barangay Gusa ning syudad human nakadawat og mga ayuda gikan sa City Social Welfare and Development Department ubos ni CSWD Officer Annie Tongson.
Sumala sa inisyal nga datos sa CSWD, mokabat sa kapin 90 ka pamilya ang apektado sa nahitabong sunog nga milamoy sa ilang mga panimalay ug kabtangan.
Midawat ang mga biktimang pamilya sa bugas, kitchen utensils ug sleeping linens.
Kasamtangan anaa nagpuyo ang mga biktima diha sa East Gusa National High School diin sila nakapahimulos usab og libreng collapsible tents gikan ni Senator Migz Zubiri.
Gani, kinasing-kasing nanawagan og donasyon si Punong Barangay Marlo Tabac sa Barangay Gusa alang sa mga nasunogan isip regalo kanila ning panahon sa kapaskohan.
News and photo by Cheleste SimeneÂ