Davao De Oro – Namakwit ang kapin 71 ka mga pamilya sa lungsod sa Nabunturan ug Mawab Sabado sa gabie, Mayo 6 tungod sa grabeng baha hatud sa kusog nga ulan.
Ang mga pamilyang gipabakwit ug gi-rescue sa mga rescue team human nga misaka hangtud sa hawak ang tubig baha.
Dali usab nga nagpatuman og emergency evacuation ang Nabunturan Emergency Response Team diin temporaryong gipahiluna niadtong higayuna ang mga nibakwit sa barangay gym dayon gihatagan og hot meals ug relief goods.
Sa Mawab, nasinati ang mud ug rockslides sa national highway sa Barangay Tuboran nga daling girespondihan sa municipal engineering office ug mihimo og clearing operations arun nga dili makahatag og aberya sa mga motorista. (Camille Santos Naraga)
(Source: Nabunturan LGU | Mawab MDRRMO)