Davao de Oro Province — Hatagan og libreng Measles-Rubella Vaccines ang kapin 70,000 ka mga bata sa Davao de Oro, ug ang libreng Measles Immunization mahitabo sa Oktubre 26 – Nobyembre 25, 2020 nga apil sa mga mahinungdanong Component sa National Immunization Program (NIP) nga gipakusog sa Davao de Oro ni Gov. Jayvee Tyron Uy ug SP Members sa pagpanguna nila ni Vice Gov. Maricar Zamora ug Senior BM Arturo “Chiongkee” Uy.
Potentially Deadly kon makamatay ang Measles (Tigdas) labi na sa mga kabataan kon dili mabantayan matud ni Assistant PHO Chief Dr. Mary Cyrell G. Pasaol, ug sa 2018 lang naa sa kapin 140,000 ang mga nangamatay niining sakita sumala sa record nga gipagula sa World Health Organization (WHO).
Bisan gamay lang ang nag positibo sa Tigdas dinhi sa Davao de Oro apan tungod nagtaas ang kaso niining sakita sa ubang parte sa nasud, ang probinsya naneguro uban sa tabang sa Department of Health ug sa onse ka mga munisipyo nga maprotektahan ang kinabuhi sa mga katawhan batok niini pinaagi sa paghatag ug hugot nga suporta sa Measles-Rubella Supplemental Immunization sa DOH.
Parte sa preparasyon ang usa ka adlawng Measles Immunization Campaign Orientation diha sa kapitolyo niadtong Miyerkules (Sept. 23,2020) kauban ang mga dagkong opisyal sa Department of Health (DOH) Regional Office 11 ug ang mga Doktor ug Health Care Providers sa 11 Rural Health Units (RHUs) sa Davao de Oro.
Panahon sa Radio Guesting ni PHO Chief Dr. Antonio Ybiernas Jr. sa programang “State of the Province” ni Gov. Jayvee Tyron Uy nga kauban si Michael Uy sa PIA Regional Office XI,
Iyang gipahibalo nga dugang sa mga paningkamot kontra COVID-19 ang gipakusog nga mga programa sa Preventive Aspect sa Health Care Services Delivery sama sa Safe Mother Hood, Environmental Sanitation, ug Infectious Diseases nga naglakip sa mga programa sa immunization sa mga kabataan.
(Gilbert M Cabahug, PAO-ID DDO)