Nahitabo ang pagpamusil alas 6:30PM Enero 29, 2021 sa Purok Maliko, Bernadeth Village, Brgy. Luna, Surigao City.
An biktima nakilay-an na si Noel Tesalona Degamon Jr., 25 anyos may ka live-in, mag-uuma kanhi sakop sa NPA niadtong 2014 sanan nag surrender sa army niadtong Oktubre 2020 sa may Brgy. San Roque, Surigao City.
Sumala pa ni Lt. Col. Christian Rafols na waya pa makilay-i sin-o an namusil.
Sa imbestigasyon sumaya pa mipauli na an biktima dihang kalit sija tagpusil. An suspetsado migamit nan Caliber .45 pistol dajon sibat human sa pagpamusil. Dead on arrival an biktima dihang tagdaya ini sa Caraga Regional Hospital.
An kapulisan nag hot pursuit sa tinguhang madakpan an suspetsado. (developing story)