Iriga City – Dai pa nin reaksyon an kampo ni Bise Pres. Leni Robredo sa viral na interview ki dating kongresista Nonoy Andaya na nagbubulgar sa soboot sekretong relasyon kaini sa dating kongresista kan Quezon City na si Bolet Banal.
Maski an mga parapahayag kan Bise Presidente an tikom pa man an ngimot sa tunay na katutuohan kan exposé ni Andaya.
Apuera sa sinambit ng akusasyon, inapod man na Garapata, Anay asin Polongo an mga nakapalibot sa Bise Presidente, kasabay kan pag-post kan retrato ni Davao City Mayor Inday Sara Duterte na nagpapahiling nin personal na kaangutan ki Robredo.
Magigirumduman na nag-viral an sinambit ng mga post na pinag-fiestahan sa social media bako sana digde sa Camarines Sur kundi sa enterong nasyon.
Si Andaya na nagdalagan kan 2016 local elections an nadaog ni Gov. Migz Villafuerte nin labi sanang 5mil na boto, alagad nagpahayag na mayo na siya nin plano sa 2022 sa pagdalagan bilang Gobernador, imbes pinag-indorsar kaini si Besi Presidente Robredo tanganing iyo an magsabat ki Provincial Administrator Luigi Villafuerte.
Dakol an nagtutubod na an pag-atras ni Robredo sa pagka-gobernador iyo an rason kan pag-alburoto kaini tanganing ibulgar an tinatagong sekreto.
Magigirumduman na kan 2004 Presidential Elections sinuportaran kaini si diguntong senador Raul Roco sa pagka-presidente, inapod pa kaini si Dating Presidente Gloria Macapagal Arroyo na Kurap, Bansot, asin dapat na magbaba sa puwesto, alagad kan gumana si Arroyo entero ining nagin sipsip asin si Andaya pa an nagin Chairman kan Committee on Appropriations sa Kamara.
(Source: Interview with Rolando Andaya)