Cagayan de Oro – MALAMPUSONG gipahigayon sa Community improvement Division uban sa hugot nga suporta sa Commission on Population and Development Region 10 ug Department of Education City Schools Division ang duha ka adlaw nga ‘school-based teen center operators training and forum for PopDev moderators’ niadtong Setyembre 21-22 ning tuig.
Mitapos sa nasangpit nga pagbansay ang 51 ka mga magtutudlo nga PopDev club moderators, Division Adolescent Reproductive Health focal persons ug Division Mental Health focal persons.
Tinguha sa pagbansay nga ma-andam ang mga PopDev club moderators sa pagpahigayon og ‘information and education campaign ug ‘social behavioral change campaign’ ngadto sa mga tinun-an ug mga ginikanan sa tagsa-tagsa nilang mga tunghaan.
Kini nga kalihokan alayon gihapon sa katibuk-ang kampanya sa kagamhanang lokal sa Cagayan de Oro pinagulohan ni Mayor Rolando Klarex Uy nga malikay ang kabataan sa paglambigit sa dili maayong binuhatan ug pagbatok na usab sa suliran sa sayo o nga pagmabdos o ‘teenage pregnancy’.
News and photo courtesy of CIO CDO