30.9 C
Manila
Friday, March 29, 2024

Kampanya Batok Sa Anti-Illegal Logging, Ubay-Ubay Nga Matang Sa Kahoy Nakumpiskar Sa Kapulisan Ug Personahe Sa CENRO

- Advertisement -

Sa anti-illegal campaign sa mga tinugyanan sa balaod, kagabhion sa may alas 6:10 petsa Enero 11 ning kasamtangang tuig sa may Purok-3, Brgy. Canlanipa dakbayan sa Surigao, ang mga personahe sa Surigao Del Norte Provincial Mobile Force Company nga gipanguluhan ni Psinsp. Mark Navalez ug mga personahe sa Surigao City Police Station nga gipanguluhan ni Psinsp Giovanni Tindoy inubanan usab sa mga personahe sa CENRO, mipahigayon sa ilang joint Anti-Illegal Logging operation nga mi-resulta sa pagka-rekober sa 81 ka taligkahoy o round timber nga Magkuno og Sodyang nga species nga magkantidad sa Php 41,000.00 Ug aduna pay 26 ka ginabas kun laras sa kahoy’ng puting lawaan nga kantidad Php 52,808.00.

Sa imbestigasyon nasayran nga ang mga laras nga lawaan gipanag-iya ni Juanalyn Silvoza, hingkod ang pangidaron, nagpuyo sa Brgy. Mapawa sakop ning dakbayan sa Surigao, samtang ang tag-iya sa Magkuno og Sodyang gipanag-iya sa nailhan sa alyas nga “Benie” nga nagpuyo sa Brgy. Mabini, Cagdianao, Dinagat Islands. Ang nahisgutang mga tag-iya wala didto sa mao nga lugar atol sa pag-kumpiskar sa nahisgutang mga kahoy.

Ang mga ebidensiya anaa na ubos karon sa kustodiya sa CENRO (City Environment and Natural Resources Office) dakbayan sa Surigao samtang gi-andam na ang kaso para sa regular filing sa korte batok sa mga nahisgutang tag-iya.

line:

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -