Kampanya batok ilegal nga mga sakyanan, mas gipahugtan pa sa syudad

0
10
Cagayan de Oro – Sa tinguha nga masumpo ang ilegal nga operasyon sa mga sakyanan, gipahugtan karon sa syudad uban sa mga ahensya sa gobyerno ang pagpatuman sa balaod pinaagi sa duha ka semana nga operasyon lakip adlaw’ng Sabado ug Domingo.
Kini human usa ka joint operation ang gihimo sa syudad sugod karong adlawa Sept. 13, pinaagi sa Roads and Traffic Administration (RTA), Land Transportation Office (LTO-10), Land Transportation Franchising & Regulatory Board (LTFRB-10), Cagayan de Oro City Police Office (Cocpo), ingon man mga Barangay Tanod.
Sa maong operasyon, dili lang ilegal nga operasyon sa gidili nga mga sakyanan ang gisita sa grupo, apan lakip na ang ubang mga sakyanan, pribado man o pampubliko, aron masiguro nga legal ang mga dokumento nga ilang gihuptan ug dili expire ang ilang mga lisensya.
Adunay mga bao-bao ug uban pang mga sakyanan nga wala gitugutan nga moagi sa national highway ang na-impound atol sa joint operation.
News and photo courtesy of CIO CDO

Leave a Reply