Cebu City- Naglaraw ang Japan International Cooperation Agency kun Jica pagpahigayon og feasibility study sa reconstruction sa unang taytayan nga nagdugtong sa mainland Cebu ug saisla sa Mactan.
Kini ang gibutyag ni Engr. Nonato Paylado, ang hepe sa Planning and Design Division sa Department of Public Works and Highways kun DPWH -7.
Matod ni Paylado, buot sa Jica nga ilakip ang feasibility study sa reconstruction sa 1st bridge sa DED kun detailed engineering design stage sa ikaupat nga tulay.
Sumala pa ni Paylado, ang feasibility study ipahigayon aron pag-ila sa dugang detalye sa proyekto.
Midugang siya nga lakip sa tumong sa Jica sa reconstruction sa karaang taytayan, nga gitawag og Osmeña Bridge, mao ang pagdugang sa kapasidad sa mga sakyanan.
Nagkanayon si Paylado nga ang lakang pag-usab o pag-renovate sa unang tulay migawas sa napublikar nga master plan sa Jica sa Metro Cebu.
Sa ilang Master Plan Study & Institutional Development on Urban Transport System sa Metro Cebu, nakita sa Jica ang grabeng problema sa trapiko sa duh aka taytayan nga nagdugtong sa Mandaue ug Lapulapu.
photo: Rabosajr