Cebu City – Gisugdan karong adlawa, Lunes, Hulyo 12, 2021 ang upat ka adlaw nga 2021 Transformation Summit nga gi organize sa Cebu IT BPM Organization ( CIB.O) pinaagi sa naka virtual events diin naka line up ang local, national ug international speakers.
Tinguha niini nga mapa lambo ang IT BPM Industry sa Syudad sa Sugbo ug tibook sa lalawigan.
Matod ni Mayor Edgar Labella nga hisgutan sulod sa maong kalihokan ang world market trends and developments, local and national economic forecast, ug uban pang impormasyon nga makahatag kanato og dugang insight as to what comes next in the industry after sa COVID-19 vaccination.
“One of the speakers today mentioned that the pandemic tested how well Cebu City and Cebu Province can cope in adapting to some global trends,” matod ni Labella.
So far, suma pa ni Labella nga resilient gayod ang atong IT-BPM industry sa dakbayan.
“I look forward to its continuing growth and contribution to our local economy ilabi na sa paghatag og trabaho sa mga Sugbuanon,” panglantaw sa mayor.
Ang Department of Manpower Development and Placement dunay mga virtual job fairs, nga gisalmutan sa daghang mga kompaniya sa BPO.
Alang ni Labella nga timailhan kini nga ang industriya nagpadayon sa iyang gihulagway nga “strong job generator” sa Syudad sa Sugbo. (Jhon Tadlip)
(News & photos courtesy of Cebu City Public Information Office)