Sa kabila ng nararanasang init ng panahon dulot ng El Niño, sapat ang suplay ng palay at bigas sa Bicol ayon sa Department of Agriculture (DA) Bicol.
Sa datus ng ahensya, aabot sa 6,000 na ektarya ng taniman ng palay ang apektado ng El Niño sa mga probinsya ng Masbate at Albay.
Kaugnay nito, nasa 160,000 ektarya naman ng lupa ang nataniman sa nakalipas na cropping season kaya inaasahan na makakaani rin ng nasa 600,000 metriko tonelada ng palay ngayong anihan partikular na sa mga buwan ng Marso, Abril asin Mayo.
Sinabi ni DA Bicol Spokesperson Lovella Guarin, ang nasabing datus ay kayang makapagbigay ng sapat na suplay ng bigas para sa pagkonsomo ng mga bikolano. (Emman Lumapag)