Padagos pang pighihingutuhan kan mga miyembros kan Sangguniang Bayan kan Bato Camarines Sur an prosupwestong budget para sa taun 2023, kan local na gobiyerno sa sinabit na banwaan, miyentrastanto sa isinumiter na budget hali sa oficina ni alkalde Jun jun Zorilla nag aabot sa 211 milliones pesos, asin ini naghuros kun ikukumpatra sa presenting budget ngunian na taun na egwang bali 226 milyones pesos.
Nakunsain natapyasan nin aabuton sa 15 milyones de pesos iyan nin huli sa dai naitao kan national government an bali dagdag sa IRA huli sa epekto kan covid 19 pandemic, na kuta na nag increase an saindang taunan na budget sa implementasyon kan Mandanas Garcia’s ruling alagad maluya an naging collection kan National Government kaya pornada an ibang gastusan.
Miyentrastanto Segun sa pahayag ni Vice Mayor Vic Ramos natapyasan an budget sa saindang oficina sa isinumeter na proposed annual budget na hali sa oficina kan alakalde alagad nadugangan man an ibang oficina sa irarom kan administrasyon nin huli ka yan posibling dai maaprobaran an saindang budget kan sangguniang bayan kaya posibling reenacted an mangyayaring budget ninda alagad kun iveveto kan alkalde posibling magbalik sa sainda asin magborotohan na kinakaipuhan an 2/3 votes na mayoriyang miyembro ngunian nasa lado kan opposition councilors.
Nakusain segun ki Vice Mayor Ramos posibling bago pa man mag abot an katapusan sa taun 2023 magrequest an alkalde nin suplemental budget para magamit an dai m ahihiirong fundo. (Joey H. Lim)