Nagkapira nang mga darakulang personalidad ang naghiling sa lamay sa abo ni Attorney Nonoy Andaya.
Si dating Bise Presidente Attorney Leni Robredo ang personal na nagpasiring sa Heritage Memorial Park sa ciudad kan Taguig asin nagpa-abot naman nin pakikidumamay.
Pira pa sa mga nagpasiring sa lamay iyo sinda, dating Presidente GMA, dating Speaker Sonny Belmonte, Congressman Edcel Lagman, DOE Usec Wimpy Fuentebella asin Attorney Juan Miguel Cuna kan DENR.
Tuda man ang estimar kan magtugang na aki na nabayaan ni Attorney Nonoy Andaya na si Ranton asin Katrina.
Ang ibang mga kaalyado sa Anduyog Local Party ang padiit-diit naman na nag-arabot arug ninda Mayor Thaddy Ramos kan Ragay, Mayor Chiqui Fuentebella kan Tigaon, Jovi Fuentebella kan Sagñay asin JB Pilapil kan Lagonoy.
Saaga hasta sa lunes mas dagmang pa ang nilalauman na maarabot huli ta iyo naman ang huring Aldaw kan lamay.
Source: Bicol Politics