Nag-aabot na sa 10, 438 an total na numero kan mag nakarehistro sa nagpapadagos na assisted sim registration sa Bicol region.
Segun sa National Telecommunication Commisison (NTC) Bicol, pinakahalangkaw sa mga nakapag rehistro an mga nagagamit nin Smart simcards na nasa 6,651, nasa 3329 sa Globe asin nasa 458 naman an mga Dito Subscribers.
Ayon sa NTC Bicol napadagos an saindang puersa na maasisteran asin matabangan an mga bikolanong nadidipisilan sa magparehistro dahil sa maluyang internet connection asin iba pa.
Sa ngunyan na aldaw nagpapadagos an assisted sim registration sa munisipyo kan San Jose sa Camarines Sur mantang ngonian na aldaw Marso 29 nakatalaan na darahun kan ahencia an aktibidad sa Bulan Sorsogon, Marso 30 sa Matnog, Marso 31 sa Donsol asin sa masunod na bulan sa islang probinsya kan Masbate.
Nangapodan an NTC Bicol sa publiko na magparehistro na kan saindang mga simcards bago an Abril 26, 2023Â iyo an ultimong aldaw kan pagpaparehistro.
(Jv Navarro Verdeflor Jr via NTC Bicol)