Naruay manen a reading materials ti naited kadagiti intermediate learners wenno dagiti Grade 4, 5, 6 ii siudad ti Laoag. Aggapu daytoy iti gobierno siudad babaen ti Special Education Fund nga agbalor ti 2.9 Million Pesos para ti nasurok 6,000 a libro a maibunong kadagiti pagadalan iti siudad. Dagiti libro ti personal nga inawat ti Schools Division Office wenno SDO-Laoag pakairamanen dagiti School Heads ken learners iti programa a naiwayat iti Gabaldon Elementary School. Suporta ti gobierno siudad ken SDO-Laoag ti programa ti national government a “Bawat Bata, Makabasa”. Malaksid kadagiti libro, pinabaro ri gobierno siudad ti maysa a kuarto ti Gabaldon Elementary School a mapagbalinen a training room wenno pakaiwayatan dagiti nadumaduma nga aktibidad ti SDO-Laoag. Inpasingked ni Mayor James Bryan Alcid nga ad-adu pay a pagsay-atan ken programa ti ipaay ti gobierno siudad kadagiti pagadalan ken agad-adal. Patienna a mamuli ti maysa nga ubing babaen iti edukasion a rason nga isu ti maysa kadagiti prioridad ti administrasion na.
RANDY MENOR