Lugadan an sarong lalaki matapos ining pagtatagaon sa banwaan nin Goa, Camarines Sur. pig-bisto an biktimang si Ely Bermejo, sarong 44 anyos asin residente kan Sitio Contod, Brgy. Tabgon, Goa, Camarines Sur.
Sa impormasyon hali sa Police Regional Office (PRO) – V napag-araman na nagka-igua nin maiinit argumento an Biktima asin suspek na si Joey Juarez, 31 anyos asin residente man kan nasabi nang lugar, kan bigla nasana soboot nag-kua nin sundang an suspek na nagin rason para dumalagan paulion an Biktima sainda.
Matapos mag-uli tulos man soboot nagkua nin air-gun si Bermejo asin dinumanan an suspek alagad, huli digdi pigdumanan ni Juarez an Biktima asin pigtataga.
Sa inisyal na imbestigasyon kan mga otoridad, napag-araman na nagsapo nin lugad sa saiyang hawak si Bermejo rason sa nasabi nang insidente.
Sa ibong kaini, pigprobaran man kuta kan magurang kan suspek na itago an aki alagad nakua man tulos ini kan mga otoridad makalihis an pursuit operation.
Sa ngonian, nasa kustodiya na kan mga otoridad si Juarez para sa magkakanigong disposisyon. (JV Navarro Verdeflor Jr.)
