Libo-libong katao ang naging benepisyaryo ng iba’t ibang libreng serbisyo sa ginanap na “Laboratoryo, Konsulta, at Gamot para sa Lahat” (Lab for All) caravan na pinamunuan ni First Lady Marie Louise “Liza” Araneta-Marcos sa probinsya ng Sorsogon.
Buong pwersang nakiisa ang LTO Bicol sa pangunguna ni RD Francisco P Ranches, Jr., CESO VI at ARD Vincent O Nato sa naturang Lab For All Caravan. Nakapagbigay ang LTO Bicol ng libreng Theoretical Driving Course (TDC) at serbisyong LTO On Wheels o E-patrol. Kasama sa mga serbisyo na inialok ay ang pag-renew ng rehistro at pag-iisyu ng Student Permit.
Layon ng Lab For All na makapag-abot ng dekalidad na serbisyong medikal, laboratoryo at iba pang serbisyo para sa bawat Pilipino.
(Source: LTO Bicol)