Arestado an sarong lalaking may alias na “Freddie” 42 anyos soltero asin sa presente resedente kan Ubo Street Barangay La medulla, Baao Camarines Sur.
Sa ginibong pagdakop sa suspek na pinamayuhan ni PMAJ. Divino John B. Pelea, OIC kan Baao Municipal Police Station kaibanan an mga operatiba sa pinupulian na harong kan nasabi nang suspetsado bandang ala una (1) nin hapon kan aldaw Pebrero 21, 2023.
An suspek arestado sa paagui kan alias warrant sa kasong THEFT na ipinaluwas kan RTC Branch 35, 5th Judicial Region, Iriga City sa kasong Qualified Theft with case no. IR-10222. An saiyang kaso iguang pinag-rekomendang piyansa na nagkakatidad nin Php28,000.00 pesos.
Sa presente yaon na sa kostudiya kan Baao Municipal Police Station an Suspek para sa magkakanigong desposisyon.
(Jv Navarro Verdeflor Jr. via Baao MPS)
