An nasabing omboy na aki taga duman sa banwaan kan Mercedes Camarines Norte, Ini sosog sa naging pahayag kan local na gobierno an bagong pasyente sa nasabing virus o helang iyo si Bicol number 65048, lalaki taga baranggay 6.
Nakamati muna nin kalintura asin sipon pati abo an pasyente kan nakaaguing November 6, nakunsain sa kaparehong aldaw nagpakonsulta sa doctor. Napag araman an resulta petsa 9 kan RT-PCR test kan omboy na positibo palan ini sa helang.
Nin huli kaini nag abot naman sa 195 an kabilugan na kaso nin Covid-19 sa nasabing lugar, na nairecord poon pa kan taun 2020, mantang egwa man ngunian nin duwang aktibong kaso mantang maabot man sa 172 nakasalbar sa helang.
Nakunsain dai naman na dagdagan an mga binawian nin buhay na nagtetener sa ngunian na 21 Sosog sa datos hali mismo sa MHO pito na an tinamaan nin Covid-19 sa nabanggit na banwaan puon 0-5 years old, Kasumpay kan baretang ini padagos na pinapaguirumdom an publiko na maglikay nin huli ta dai pa tapos an paglaban sa Covid-19. (Joey H. Lim)