Nasa P131 milyon pesos na kantidad na naipanao kan Department of Social Welfare and Development o DSWD sa mga evacuees na yaon sa evacuation center hulil sa padagos na pag-alburoto kan Bulkan Mayon. P90 milyones pesos na hali sa DSWD asin sobra sa P40 milyon de pesos na hali man sa mga lokal na gobyerno, non-government organizations, asin iba pang donors.
Sobra sa P44 milyon pesos man na kantidad kan sobra 92,000 na family food packs naipanao, mantang P20 milyones pesos na kantidad kan non-food items, uminabot sa P550,000 pesos na kantidad nin nasa 6,000 pidaso nin distilled water, asin yaon sa P25 milyones pesos na itinao bilang cash assistance.
Mientrastanto nasa 128,000 na Family Food Packs, labi sa 60,000 na non-food items, asin iguang P5 milyones pesos pang standby fund na yaon sa warehouse kan ahensya tanganing ipanao kun ingkaso padagos asin maglala an kamugtakan pa kan Bulkan Mayon. (Jv Navarro Verdeflor Jr.)
(Source: DSWD Bicol)