Tinambangan kan soboot Riding in Tandem an dating konsehal asin nag-kandidatong Bise Alkalde kan Banwaan nin Pili Camarines Sur na si Dating Konsehal Rudel Divinagracia pasado alas – 9 nin bangi, Nobiembre 19, 2022.
Segun sa inisyal na imbestigasyon kan pulisya, mayong herak asin paulit-ulit na pinagbabadil si Divinagracia kan dae pa nabibistong suspetsado asin risang planado asin pigtoyo soboot an pambabadil sa dating konsehal.
Saro pa sa hinihiling na anggulo kan mga awtoridad kundi an politika an pinunan sa pang-gagadan huli sa haloy na soboot na pinag-iinitan si Divinagracia kan mga politico lalo na sa Pili,Camarines Sur.
Mientrastanto nagbubulos ngonian an pakikidumamay sa pamilya kan nagadan na konsehal asin nag-aarang na matawan nin hustisya an pang-gagadan ki dating Konsehal Rudel Divinagracia. (JV Navarro Verdeflor Jr.)