25.3 C
Manila
Tuesday, February 27, 2024

Iriga: Composite Team Sa Selebrasyon Kan “Undas” Andam Na Sa Cuidad Nin Iriga

- Advertisement -

Iriga City – Andam na an Composite Team sa cuidad kan Iriga katakod kan paabuton na undas ngunian ini sa ibong kan nakatalaan kaining temporary kaining pagsarado sa maabot na petsa 29 kan bulan na presente hasta sa Nov. 2 presenting taon.

Ini an ipinahayag ni Ms. Marieser Almelor, an pamayo kan CDRRMO matapos na mailatag an gabos na guidelines sa nasabing aktibidad susog sa administrative order no. 14, series of 2021 kan DILG.

An Composite Team binibilog kan PNP, BFP, CSU, Ipatrol, Kabalikat asin mismo kan mga Barangay na iyo an mapautob kan gabos na susundon katakod kan pinaglalaoman na pagdagsa kan mga tawo ngunian na paabuton an pistang kalag asin hasta sa matapos an tradisyunal na okasyon.

Sa laog kan petsa na temporaryong sarado an mga kampo santo, mayo nin siisay man na tutugutan na maglaog, apuera sana kun igua nin ilulubong.

Sa mga tugot na aldaw bawal an pagdara nin matarom na bagay, pagdara nin arak asin pag-inom sa laog kan mga kampo santo mientras na mapa-utob man giraray nin curfew an mga autoridad poon alas 10:00 nin Bangui hasta alas 5.

Bawal pa man sa mga kampo santo an mga menor de edad asin mga senior citizens na vulnerable sector sa covid-19, alagad duman sa mga tinutugutan na makalaog sa mga kampo santo kaipuhan man giraray na mag-obserbar kan tamang health protocol.

Sinabi ni Almelor na sa tabang kan mga Barangay, nagtutubod siyang maipapa-utob nin toltol an nasabing reglamento mientras na yaon pa kita sa pandemya.

Sa cuidad nin Iriga magkapira an mga kampo santo na makukua sa San Francisco, San Isidro, Salvacion asin sa San Ramon.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -