Iriga: Baybaying dagat ng Masbate positibo pa rin sa Red Tide Toxins

Positibo pa rin sa Red Tide Toxins ang mga shellfish na matatagpuan sa katubigan ng Milagros, Masbate.

Sa Shellfish Bulletin No. 07 ng Bureau of Fisheries and Aquatic Resources (BFAR), ipinagbabawal ng ahensya ang pagkain ng shellfish at iba pang lamang dagat na nagmumula sa nasabing baybayin.

Babala ng BFAR, pwedeng magdulot ito ng masamang epekto sa katawan ng tao.

Sa kabila nito, ligtas pa ring kainin ang ilang lamang-dagat tulad ng isda, pusit at alimango basta’t siguraduhing maayos ang pagkakalinis at pagkakaluto ng mga ito. (Emman Lumapag)