Integrated Bar Of The Philippines (IBP)-Cebu City Chapter Mopasi-Ugda Og Debate Alang Sa Mga Lokal Nga Kandidato

0
55

Gikatakdang ipahigayon sa Abril 22, 2019 sa City Sports Club, ang debate tali sa mga nag-unang mga kandidato sa dakbayan sa Sugbo alang sa nagsing-abot nga May 13 mid-term elections.

Ang kalihukan pasi-ugdahan sa IBP-Cebu city Chapter. Matud ni Regal Oliva, Presidente sa IBP-Cebu City Chapter, ilang gi-awhag ang mga kandidato sa pagka-mayor ug sa pagka-bise mayor sa dakbayan sa Sugbo pagsalmot sa debate.

Gipasabot ni Oliva nga ang usa ka¬†public debate¬†tali sa mga kandidato nga nagtinguha sa dagkong mga posisyon, makatabang kaayo sa mga botante aron ilang matino kinsa’y angayan nilang pili-on.

Apan gitataw usab ni Oliva nga dili pa nila pahibaw-on ang mga hingtungdang mga kandidato sa mamahimong topics nga tuki-on atol sa debate.

Si Cebu City Mayor Tomas Osmena maoy labing una nga midawat sa hagit sa IBP alang sa usa ka public debate tali sa mga kandidato.

Samtang ang ka-atbang ni Osmena nga si Vice Mayor Edgardo Labella kinsa kandidato ubos sa Barug PDP-Laban misanong usab sa panawagan alang sa debate.

Ang running mate ni Osmena nga si Cebu City Councilor Mary Ann delos Santos mipadayag usab sa iyang pag-uyon nga mosalmot sa debate.

Maoy ka-atbang ni delos Santos atol sa umaabot nga eleksyon, si kanhi Cebu City Mayor Michael “Mike” Rama kinsa usa ka abogado ug maoy¬†running mate¬†ni Labella.

Wala pa hinuon mopadayag sa iyang pag-uyon si Rama nga mosalmot sa maong debate kay matud pa sa kanhi mayor, konsultahon pa niya ang ilang grupo labot niini.

Mokabat sa upat ang mga kandidato pagka-mayor sa dakbayan sa Sugbo nga naglakip kanila ni incumbent Mayor Tomas Osmena, incumbent Vice-Mayor Edgardo Labella, John Edwin Dayondon ug Junry Concepcion.

Samtang ang ikalimang mayoralty candidate nga si Paulino Osmena gideklarar na sa COMELEC isip nuisance candidate. 

Samtang lima usab ang mga kandidato alang sa pagka-bise mayor ug kini naglakip kanila ni kanhi Cebu City Mayor Michael “Mike” Rama, City Councilor Mary Ann delos Santos, Antonio Olvenario, Federico Peredo ug Antonio Rosaroso.

Leave a Reply