Davao Del Sur – Gitakdang saulogon sa probinisya sa Davao del Sur ang usa ka tuig nga pagdeklara sa kagawasan sa insurhensiya sa probinsiya karong umaabot nga May 25 hangtud 28 ning kasamtangang tuig nga gitawag nga “Peace Ta sa Maanyag na Paraiso” sa Provincial Coliseum, Gaisano Mall, Digos City.
Pangunahan ang maong selebrasyon ni Eastern Mindanao Command Commander Lt. Gen. Greg Almerol pinaagi sa motorcade ug flag raising ceremony sa buntag sa Mayo 25 sa Provincial Coliseum nga pagasalmotan usab sa mga inimbitang bisita gikan sa national government.
Kahinumduman nga naangkon sa probinsiya sa Davao del Sur ang titulong Insurgency-Free Province sa Provincial Peace and Order Council niadtong Mayo 25, 2022 human makab-ot sa militar ang mga parameters sa AFP-PNP Clearing Validation Committee ingon man ang  institutionalization sa conflict prevention program sa probinsiya. (Camille Santos Naraga)