Nasakmit sa Cagayan de Oro Higalas Team A ang ikaduhang kadaugan sa nagpadayon nga Pilipinas Super League (PSL) Under-18 Mindanao North Leg human gipildi ang team sa Meljohn’s Tailoring-Malaybalay City sa iskor nga 77-75 atol sa ilang kulbahinam nga dula sa miaging adlaw diha sa Valencia City Gymnasium & Cultural Center, Bukidnon.
Nangulo sa kadaugan si Marc Ervin Tagocon, ang napili nga Manila Bankers Life Super Player of the Game, kinsa mitala og 18 puntos.
Kahinumduman nga nagmadaugon sa ilang unang dula ang CDO Higalas Team A human giparot ang Kidapawan, Cotabato team sa iskor nga 87-56.
Ang pagsalmot sa Cagayan de Oro Higalas suportado sa kagamhanan ning syudad ubos sa administrasyon ni Mayor Rolando ‘Klarex’ Uy pinaagi sa Cagayan de Oro City Sports Office ubos ni OIC Romarey B. Gorro ug Executive Consultant Coach Ruel R. Daba.
(News and photo courtesy of CIO CDO)