Cebu City – Moabante sa Semi-finals and Grand Finals ang upat ka barangay gikan sa 32 ka team sa Syudad sa Lapu-Lapu alang sa gipahigayong Mobile Legends (ML) Tournament sa syudad karong adlawa, Abril 11, 2021, pinaagi sa Lapu-Lapu City Sports Commission.
Gibuksan kagahapon ang Mobile Legends Tournament atol sa Opening sa Summer League 2021 sa syudad.
Upat ka Team nga gilangkuban sa Barangay Mactan, Barangay Punta Engano, Barangay Marigondon ug Barangay Pajo alang na sa Semi-Finals ngadto sa Grand Finals.
Sa Semis, mag atbang ang Mactan vs. Punta Engano, ug mag kumbati sab ang Marigondon vs. Pajo.
“All teams showed what they’ve got and brought in a very intense game. But, there’s only one team will be hailed as the new Grand Champion in this year’s Lapu-Lapu City’s Mobile Legends Tournament. We’ll all find it out…,” mensahi sa Lapu-Lapu City Sports Commission.
Sa iyang Facebook post, gihulagway sa batan-ong opisyal sa Barangay Pajo Jasmine “Daday” Chan nga init kaayo ang duwa.
Alang ni Daday nga murag nabitin gyud ang mga Oponganon gahapon mao nga dili gyud dapat palabyon ang mas init pa nga duwa karong adlawa.
Kinsa ang posibling bag-ong Kampyon sa maong Tournament?
Masayran kini sa Grand Finals nga ipahigayon karong adlawa ug unsa nga team o barangay ang makalangkat sa kampyonato, nga gipaabot nga maka dawat ug ₱ 30,000 isip ganti.
Sa miaging tuig, nahimong Grand Champion ang Barangay Babag.
Makita ang tournament pinaagi sa live streaming, diin duna say makadaug ug special 500 years themed Mobile Legend tumbler, cellphone loads ug milk tea. (Jhon Tadlip/JTY)
(News & photo courtesy of Jasmin “Daday” Chan)