CAGAYAN DE ORO CITY – Taliwala pa man sa pagkunhod sa kita sa City Hall tungod sa pagsira sa mga negosyo nga hilabihang naigo sa pagpadayon nga Covid-19 pandemic, hingpit pa gihapon nga nagpadayon ang mga infrastructure projects sa lokal nga kagamhanan.
Matud pa ni City Administrator Teddy Sabugaa nga ang nagapadayon karon nga pagpangsemento sa mga kadalanan nakabenebisyo sa mga mamaligyaay sa prutas ug utanon nga anaa nanimuyo sa kabukiran. Kini tungod kay mas madali na lang man nila mahatud ang ilang produkto ngadto sa mga konsumante.
Gani pa man mobalor sa ₱ 5.9 milyon pesos nga road cementing project nga magkonektar sa sitio Balongkot sa Barangay Dansolihon ug Sitio Pasu sa barangay Pigsag-an ang hapit na matapos. Usa kini sa mga infrastructure projects ni City Mayor Oscar Moreno uban sa pag-abang sa City Council ubos ni Vice Mayor Joaquin Rainer “Kikang” Uy.
Ang uban pa sa mga nakahan-ay nga road cementing projects nag-apil na sa Barangay Pagatpat nga magdugtong sa barangay Lumbia nga nakaproducir karon a Camarahan Ridge nga nakakuhag popularidad sa social media tungod sa pagkanindot sa view niini sa city landscape sa syudad sa Cagayan de Oro.
(CDO Infonet)