Cebu City – Nagbangotan karon ang pamilya, parente, silingan, higala ug mga naka ila ni SSgt. Jan Niel Y. Macapaz sa Philippine Air Force.
Labi nga gyud ang mismo niyang inahan.
Hilak ug dangoyngoy ang gipabuhagay ni Teofista Macapaz, 66 anyos, inahan sa usa sa kapin 50 ka mga nakalas sa nahagsa nga C-130 H military transport plane sa Philippine Air Force sa Patikul Sulu, niadtong adlawng Domingo, Hulyo 4, 2021.
“…Dili gyud madali dali…hu.. hu…hu hu.. hu…dili madali dali mao na akong giingon nga, sakit huna-hunaon ,apan wa koy mahimo bisag mahurot pa akong luha di na ikabalik iyang kinabuhi…” dangoyngoy ni Teofista Macapaz, inahan ni SSgt Macapaz.
Samtang ang igsoong babaye ni Jan Niel mipa gawas sab sa iyang gibati, ” In memory of my brother who is an angel in heaven. You may rest in peace Jan (kad)…
Gone too soon. Kalit man lang ka ug pamilya”,(dunay crying emoticon), mensahi ni Leste Macapaz, igsoon ni Jan Niel.
Si SSgt. Jan Niel Y. Macapaz, PAF, 38 anyos, minyo, ug usa sa lima ka crew sa maong eroplano.
Gibutyag sa iyang igsoon, Darius Macapaz nga nakahuman siya (Jan Niel) sa iyang training niadtong tuig 2009.
Nagtungha ug naka human siya sa elementary ug high school sa Barangay Pusok, Syudad sa Lapu-Lapu.
Sakop sab kini sa D Axis Band sa maong lugar.
Nagdako siya sa Sitio Matumbo, Barangay Pusok, Syudad sa Lapu-Lapu ug kasamtangan nga nagpoyo sa Deca 5, Basak, Lapu-Lapu City.
Minyo si Macapaz sa pareha sab niya nga sakop sa Air Force ug duna silay duha ka anak-babay ug lalake.
Gihulagway siya sa mga naka ila niya nga hilomon, bootan ug maayong tawo. (Jhon Tadlip/JTY)
(News & photos courtesy of Macapaz Family)