Ilang kumpanya ng langis nag anunsyo na ng oil price roll back

Magpapatupad ng panibagong rollback sa presyo ng mga produktong petrolyo ang mga kumpanya ng langis ngayong linggo.

Batay sa anunsyo ng kumpanyang Shell pilipinas, epektibo 6a.m. ng Martes, October 22 ang P0.25 na tapyas presyo sa kada litro ng kanilang gasolina at kerosene habang P0.10 naman kada litro sa diesel.

Una na ring nagpatupad ng P0.40 centavos na rollback sa kada litro ng gasolina at P0.15 sa kada litro ng diesel ang Cleanfuel simula 4 p.m. ngayong Linggo, October 20.

Inaasahan namang susunod na rin sa pag-aanunsyo ang iba pang mga kumpanya ng langis.